يا حلو قطف الورد يا ناس لا زان=
اليا إستوى وجب علينا قطافه=
يا زين ريح الورد وسحر الألوان=
الورد يفتن لو فيه النحافه=
بنقا جميله وأترك أشواك الأغصان=
للي يحطبون الحطب والعلافه=
أنا ترى عالي على متن الأزمان=
أجيد شعري وأتخير لقافه=
شاهين في وكره بمخلب وجنحان=
يا شين حظ اللي من الصيد لافه=
حمال سيف مروض خيول ميدان=
ممزوج ما بين الرفق والصلافه=
ماني بحية داخل الجحر ماتبان=
ولاني بمن يتبع دروب القرافه=
أدور أحسن كيف لا كنت قرمان=
والا الرديه ما عليها حسافه=
واليا بغيت الفن غنيت الألحان=
يلقى بها العاشق غطاه ولحافه=
ومن لا يجيد الشعر ويجيد الأوزان=
أخير له بعد الحضور إنصرافه=
والا أنا في داخلي حب وإيمان=
للواحد القهار وفيني ريافه=