يــاحــارس الــبــســتــان
ياحارس البستان حافظ على الورد =ورود بـسـتانـك ورودٍ عجـيبه
أحرص على البستان من شدت البرد =أحرص على خوخه وشجـرة زبيبه
يازارعـه أحذر ترى أيامنا جـرد =دنيـاه يا زراع صارت غريبـه
أحـصـد ثماره قبل لا يلحقه صـرد =وتندم على زرعه وتدفع ضريبه
أعطه مطاليبه وحذرا مـن القـرد =نيران مـن حوله تراها لهيبه
الوقـت لا كشـر عن الناب للـفـرد =ماينفعه روحـة وجيـة حبيبه
دار الزمان وروح السيـف والفـرد =وصارت بعيده بعد كانت قريبه
هذي نصيحة موجهه لـزارع الـورد =حافظ عليها قبل تأتـي مصيبه
مـن قبل لا تندم وتصفق على الخد =ودموع عينك فـوق خـدك سكيبه