يا ياللي من أول كنك الشوف للعين=
اليوم أدور للفرص لأجل بسمعك=
ابطيت عني والبطا شين يازين=
وشلون قلبك يااريش العين طاوعك=
وشلون تقوى للهجر والهجر شين=
قل لي برب البيت شنهي دوافعك=
عدة سنين وبعدها عدة سنين=
ما قلت لي شنهو عن الوصل مانعك=
وصل الأحبة زين وأوصى به الدين=
لو كان ماهي بالتساوي أصابعك=
لكن طاوعني على العسر واللين=
وانا على كل اللي تريده مطاوعك=
ترى العمر يركض والأيام عجلين=
وما فات مات وحلم الأعمار يتبعك=
علقتني ما بين جنة ونارين=
نار البعاد ونار شوق ِِ(ن)مولعك=
ماني بقاوي بعد عنكم ولا بين=
ولاني بقادر قرب وأجني منافعك=
أمسي على بعدين وأصبح ببعدين=
ماأقدر على وصلك ولا أقوى مقاطعك=
ياللي من أول كنك الشوف للعين=
اليوم أدور للفرص لأجل بسمعك=