قصيدة للشاعر زعل الرشيدي
اهديها لكم
البارحه صوتك المزحوم بغيابك=جاني وجدد غلاك وزاد تقديره
من يوم ماوحيت صوتك قلت حيابك=ياغاليٍ ماشغلني عنه تقصيره
يافرحتي فيك يوم ان البخت جابك=ياغايبٍ مانساني في معاذيره
ياحلو صوتك يرد الروح لحبابك=ويجبر عزا خاطرٍ فرقاك تكسيره
إليا تذكرت زولك قام يهنابك=قلبٍ على شوفتك ينسى محاذيره
ياعل قبٍ على همومه تهقوابك=يلقى بك اللي هقى ياطيب السيره
عرفت سر الجمال اللي تحلابك=ياضوح برقٍ تكاشف من محاديره
أوحي بك القرب وإلا البعد ما أوحى بك=في عشرة اللي يسره منك تكديره
والله لو تاقف الدنيا على بابك=ماخلت البال يشغل عنك تفكيره
ابنشدك عن قصيدٍ يرضي إعجابك=واعطيك حتى تشوف النقص في غيره
وبكتب الشعر كله فيك وإقرابك=حلمٍ عن الناس بعيونك تفاسيره
البارحه صوتك اوفى منك بغيابك=جدد غلاك القديم وزاد تقديره