أسعدكم الله
اليكم ما جادت به اللحظة عله يروق لكم
.............................
يا حبيبي كل يومٍ(ن)تكبر بقلبي غلاتك=الف ميلٍ(ن)بيننا ما نقصت مثقال ذره
مالكٍ(ن)حبك لقلبي يا حلاتك يا حلاتك=يكفي الخافق وجودك فيه يا نبض المسره
من عرفتك كل ما فيني تولع في صفاتك=والحقيقة ودي إني اعشقك مليون مـره
عشق طاغي ما يكفي يا حبيبي حسن ذاتك=شكلك المحسوس مبهر والأدب والذوق ندره
العذوبة في كلامك والرزانه في سكاتك=يعربي الدم ثغرك يشعل الخفاق جمره
خدك الوردي ولونك والعسل حالي شفاتك=والعيون الناعسات المبهرات الحور خدره
ما تهنى من جمالك غير عينك في مراتك=يا هني لعينك اللي تبصرك في كل نظره
مختصر بيت القصيد الله يمتعك بحياتك=ما تشكى من ظروف ولا تشكى من مضره
والك مني عهد ما أبدل عهدك ولا وصاتك=ما بقا لي من عمر بيكون لك وقف ومبره
روحي أغلى شيء عندي ياحبيب الروح جاتك=كل ذاتي حول ذاتك نجم داير في مجره
يا حبيبي كل يومٍ(ن)تكبر بقلبي غلاتك=الف ميلٍ(ن)بيننا ما نقصت مثقال ذره