أسعد الله أوقاتكم بكل خير
الأبيات بدون مقدمات
جئت المكان اللي جمعنا قبل عام...=ما فيه غير رسوم من ذكرياتك...
رسمة بروجك جنبها بصمة ابهام...=من شفتها ذكرت باقي حلاتك...
ذكرت عطرك حين مازج للأنسام...=وذكرت شهدٍ(ن)من مناحل شفاتك...
ذكرت عودٍ(ن)كن ما جوفه عظام...=غير المزايا الثانية من صفاتك...
اللي تحير واصفينك بالأقلام...=مملوحةٍ(ن)في هرجتك في سكاتك...
كل العذارى من بعد حسنك أقزام...=يا جامعة كل المحاسن بذاتك...
حتى القصائد منك تطلب للإلهام...=عذب القصيد بسيتك وحسناتك...
منهو عشق حسنك فوالله ما يلام...=شفت المرايا غايرة من مراتك...
يا فاتنة واقع حياتي والأحلام...=مشاعري تدفع لروحي وجاتك...
جئت المكان اللي جمعنا قبل عام...=ما فيه غير رسوم من ذكرياتك...