أسعدكم الله
الأبيات بدون مقدمات
يا ويل قلبي من اللي قال يا ويلي...=لا قالها كن عرق الخافق يتله...
ما عاد برتاح في يومي ولا ليلي...=من حبه اللي بقلبي سيفه يسله...
تعبت على شانها رجل ومراسيلي...=والوضع يصعب ولاني عارف بحله...
من واقد الشوق زادت بي غرابيلي...=حبل الهوى منعقد والزين ما حله...
لا من شكيت له حالي قام يبكي لي...=نوح المتيم ليا من فارقه خله...
ايقول دمعه على خده هماليلي...=سحائب الدمع عينه قامت تهله...
غرق لكفي وغرق لي مناديلي...=غزير دمعه لحق للصدر ثم بله...
زود عذابي عذاب يهد لي حيلي...=الروح من شكوته مثله تول ول له...
ما ودي إن الغلا يشكي بهاذيلي...=الحب لو لاعني ما أرضى له يعله...
أنا أتحمل وأموت فداك ما أميلي...=لعيونك الصبر لو هو مر ما أمله...
ببذل على شأنك الغالي ولا أحيلي...=العمر يفداك يا كل الغلا كله...
فدوة لروحك وفدوة للمظاليلي...=اللي سقتني غرامك قبل تفطن له...
يا ويل قلبي ليا من قلت يا ويلي...=لا قالتها كن عرق الخافق اتله...