صباحكم ومساكم تخاريف شاعر
الأبيات بدون مقدمات كما جات
على مفارق دروبي إنتظر لك تجي=أرقب حضورك ونفسي شوفتك ودها
طال الوقوف بمكاني والقهر ملتجي=بين الضلوع الشفية والصبر هدها
أصارع أوهام فكري بعضها محرجي=أهد سابق حلوم وينبني بعدها
بعض الهواجس لعينة تحبط المرتجي=تلعب بفكري وقلبي واقفٍ(ن)ضدها
ما كنها غير خيلٍ(ن)بالطرد مسرجي=جوارحٍ(ن)للمشاعر وإنطلق هدها
يا غائبٍ(ن)بالزمن متى تطمن نجي=لأطيافك اللي بفكري عاجز يردها
تسهر معي لين نور الصبح لي يفلجي=وتسرح معي لين تمسي هاتها ودها
طال السهر والهموم تزيد ما تفرجي=وأحلام روحي بعمري ماخذه شدها
أعوام تمضي وأنا ثابت على منهجي=أسرج خيول الأماني لعن بو جدها
على مفارق دروبي إنتظر لك تجي=طال إنتظاري ونفسي ما حضر ودها