يااللي خذيتي القلب باالله رديه = قلبي رهنته في يدينك رهانه

كنت اتمنى باالفرح دوم تسقيه = وقلبك بغيته لي يفيض بحنانه

كنت احسب انه باالمحبه يداريه = كنت احسب انه حافظ(ن) للامانه

واثره يحسب القلب لعبه باياديه = واثره يحسب الحب غدر وخيانه

مايدري اني ازعل الناس وارضيه = مايدري اني باني(ن) له مكانه

وافرح ليا جابوا لي الناس طاريه = واذوب في كلمه قالها من لسانه

اللي يريد الحب لابد يعطيه = ياخذ دروسه والعبر من زمانه

لكن بان الخافي وفيه مافيه = لاتحسبين الغدر زودة فطانه

ياشين وقت(ن)كاثرات(ن) بلاويه = خل(ن) طعن خله ومفروض صانه

هذا جزاء خافق عطيته ومهديه = لعيونك اللي شاف فيها امانه

لكن هذا اليوم يابنت بعتيه = باارخص ثمن في سوق مابه ضمانه

هذي نهاية حبنا اللي نسيتيه = وكل مخلوق(ن) يروح بشانه

اللي انكتب له درب لابد يمشيه = باالعقل نختار الدروب برزانه

يااللي خذيتي القلب باالله رديه = قلبي رهنته في يدينك رهانه