اكتب ابيات القصيدة واللحن صوتي يجره= لو في صدري هموم ودنيتي صعبة عنيده
واسكب العبرات من عيني لدمع العين جره= وتنطفي شمعة فرح في داخلي تبقى وليده
والهموم كثار والتنهيت في صدري مقره=والحزن يجري مع دمي وساكن في وريده
والليال السود مافيها لجرح القلب سره= كل ماودعت ليله جاتني ليله جديده
ايتجدد داخل اعماقي حزن في كل مره= والمشاعر تنتظر ميلاد لحظتها السعيده
في جبيني بصمه للوقت من خيره وشره=والزمان اللي صهرني مثل ماتصهر حديده
ينبض احساسي واغني كل حرف مثل دره=مثل من طب البحر والغوص فاعماقه يجيده