أسعدكم الله
اليكم الأبيات
فتح عيونك لا يصيدك ساهر=والا تخم القنبلة موقوته
ياللي تحسبك في زمانك ماهر=مكتوب لك بتموت ببشع موته
ما تنقبل صلاة غير لطاهر=واللي يحب الحوت يلهم حوته
العولمة فرصه لهيس وعاهر=الشله اللي ماهي المبخوته
الفسق أشوفه قُدم عين ظاهر=من عالمٍ نسيت معارك موته
الساقط محصل لفعله شاهر=والطيبين من الزمن مبهوته
لو تنهره ماهو بسامع ناهر=غدو مثل عريكةٍ مفتوته
الشكل نصبه للنواظر باهر=مصبوغ وأصله طينةٍ منحوته
مقهور خابر مايقاوم قاهر=قالوه قبلي صرته محتوته
ملعون منهو بالسفاح يجاهر=هذا دليل أحقاده المكبوته
يدهر مشاهيبه وخاب الداهر=شبت بثوبه وأكلت البسكوته
غمض عيونه بعد صاده ساهر=عمى وخم القنبلة موقوته