السلام عليكم ورحمة الله وبركاته
اطرح بين ايديكم هذه القصيده و أـمنى بأن تنآل استحسانكم وذائقتكم الشعريه
مشاعرك غرورها دمرها = ومشاعري ترثي على ماصابك
مشاعرك ماتت من مصدرها = ومشاعري ماهي ظمن أحبابك
مشاعرك بالله من يقبرها = مادام خلانك نست أبوابك
مشاعرك شريانها فجرها = غرورك اللي ماحترم أصحابك
مشاعرك أرقامها شفرها = غرورها مفتاحها لكتابك
مانع عيون القلب لا تعمرها = حاجب مزون الغيث غيث أقرابك
بنات فكرك صابها غيرها = غرور لونها بلون أهدابك
ياهل ترى مشاعرك عطرها = غرورك اللي صار ظمن أطيابك
ياللآسف من الغلا فقرها = غاب الغلا عنها سواة اخضابك
غرورك أبعد عنَها مقدرها = ذابت مشاعر حافقك بسبابك
صاب الغرور الروح في محجرها = أذبل ورود الحب نال إعجابك
زهور قلبك منهو معبرها = دام الغرور أمطر وبل ترابك
مشاعرك مظلومه ونعذرها = لكن غرورك أنزعيه بنابك
مشاعرك غرورها دمرها = ومشاعري ترثي على ماصابك
مشاعرك ماتت من مصدرها = ومشاعري ماهي ظمن أحبابك