ابو فيصل
صح لسانك دائما مبدع
وهذي مني لحقة مثل بيعات البدو عليها عشا
البدو ياعيضه هل الخف والظلف=قاموا يعرضوا للمزاعم مزايين
اللي من أول كاسي كفوفهم كلف=اليوم سكناهم قصور بملايين
الفكس واقف لا بغوا دقوا السلف=ثم غار مثل الذيب خلف البعارين
مشروبه الممتاز وزيوته القلف=يطير بعلى الجو لو له جناحين
اليا إنطلق ما تسمع بطقة البلف=الا زفيره كن فوقه شياطين
لا تعترض للبدو تذبحك بالشلف=ترى البدو صاروا سواة المجانين
بعض البدو تعامله ياولد جلف=ماعندهم غير الدبس والسكاكين
كذا طبيعتهم تحذر من اللف=قدام تنشب مع هل النوق والضين
نصيحة اعقد مع هل الماقفة حلف=السعر يمكن يصبح الطاق طاقين