أسعد الله أيامكم ولياليكم بالخير والمسرات
اليكم هذه الأبيات المتواضعة علها تروق لكم
آه وينك البعد هد إحتمالي=آه من ضعفي ويا قو إحتمالك
بعد غبت اليوم والله ينرثا لي=الهموم تسوقني يم المهالك
ماتت الفرحة الا ياعز حالي=وأنت مدري بالبعد وشلون حالك
عهد روحي بالهنا يوم إتصالي=كل ما شئنا يعانق لإتصالك
يوم كنت بكل ليلة في قبالي=أنشدك عن حالتك وأسمع سؤالك
وأجمل أيامي على مر الليالي=حين عيني شاهدت زاهي جمالك
لحظةٍ ظنيت وقتي قد صفا لي=وأنت مثلي قلت :لي وقتك صفا لك
كل شيء بحينها يخطر ببالي=غير بعدك ما توقعته ببالك
حينها لو قلت:لي ببعد يا غالي=قلت:تمزح البعد عني محالك
كان بعدك وقتها أمرٍ محالي=ما هقيت إن القدر يبعد رحالك
يا غناتي يا حياتي ياحلالي=آه من همك وهمي كان طالك
صار مر بدنيتي ما كان حالي=ما بقا لي غير ذكرى من دلالك
القهر والهم عشش في خيالي=والسهر أتلف عيوني طاب فالك
هو رفيقي في مقامي وإرتحالي=وأنت يا صبرك ويا قو إحتمالك