الله على هذا الجواب اللي كما عد الفلوس=من عند راع الصدق ماهو من ضعيف مترفا
ربعي وأنا ماني على ربعي شحيح ولا عبوس=حنا بشر منا قوي والبعض منا إضعفا
وإن جاتني من نازحين البد حديت الضروس=على النقا مهي دسايس بالظلام وبالخفا
السيف مرهف واللسان أحد من خنجر وموس=الاد ثابت عزوتي زبن الدخيل ليا لفا
أهل الكرم ما يحلفون بربهم حلف غموس=أهل البيوت الضافية يدفون من يبغا دفا
الورع يكبر والجهل ينزاح والدنيا دروس=واللي علومه واطية ما مكسبه غير الجفا