عساكم بالف خير
هذه الأبيات فيها شيء من الغرابة
لأنها عكس المألوف
لا تحديني ترى منتي بقدي=وخري عني قبل لا يشين فالك
ذي نصيحة لا تحدي لا تحدي=لا يغرك مظهرك والا دلالك
قالت:إسمع كان وليا إنك تودي=البشر ما هم سوا تعرف مجالك
هات يدك بعد مديت لك يدي=وأخذ مني عهد ما دور بدالك
جيتك بكل المشاعر لا تصدي=لا تبيع اللي تعنا لك وجالك
والله إني ما كشفت بيوم سدي=ما يعرف بقصتي الا خيالك
وين ما وجهت وجهي صار عندي=أستنير بشوفته في ليل حالك
قلت هذا عشق والا بس تجدي=لأجل قلبي تشربكينه في حبالك
خايف أعشق مثلك(ي)ويروح جهدي=في مهب الريح مع عاصف شمالك
الأماني مثل ما جابت تودي=ماني بتابع بروق في خيالك
أتركيني وإرحلي لا خذ ولا أدي=ماني بريشة يطيرها جمالك
عارف قصدك وتعرف بعد قصدي=المهالك ما تجيب الا مهالك
مثل ما جيتي بلا مطرود عدي=ليا عرفتي غايتي يرتاح بالك
التحدي ما يجر الا تحدي=والزمن دوار والدنيا دوالك