أبيك تدري صوتك العذب لاغاب
أحس نفسي تنكسر من غيابه

كذا غيابك للحزن يفتح أبواب
غصب علي ألبس شقاه وثيابه

أدمنت صوتك ون تثيقلت كذاب
من يعشقك لاغبت يفقد صوابه

لك صوت يسري بي متاهات وأعجاب
من رقته كل الجوارح تهابه

لك وحشه تلفني شوق وعتاب
وإن جيت تسكني حنان وطرابه

علمتني إن الوفا طبع الأحباب
ورسمت عمري وردتين وسحابه

ما انته بعادي كل ما فيك جذاب
كلك على بعضك خيال وغرابه

لا مر صوتك تالي الليل منساب
فرشت له صدري قصيد وربابه

سوالفك تفنى بها كل الأتعاب
لا جت على قلبي صدوق الإجابه

مثل المطر لا من تبسم للأعشاب
من ضحكته يغسل غبار الكآبه

خذني بصوتك ضمني بين الأهداب
عمري بدونك ما اتحمل عذابه

__________________
مع تحيات
abusalehanwar