اليكم الابيات
ارجو تعجبكم
خذوا فؤادي وإزرعوه بفؤاده=عله يحس بنبض قلبي وشوقي
عله يخفف من تمادي عناده=والا يكملها ويقطع عروقي
كل ما ترجيته تمادى وزاده=مدري وش اللي غير الزين فوقي
ياليتني أعرف بغاية مراده=هو دل والا صد والا يبوقي
مدري وش اللي من تغليه فاده=الا تركني من غلاه محروقي
أرسلت له بالصوت يا صوت ناده=بحيت من كثر الندا مايفوقي
خطيت له بالحرف حتى مداده=خلص من الاقلام عبر الشقوقي
شكيت له الحال يطلق قياده=عيا يلبي مطلبي بفك طوقي
أنا قبل معرفه سيد لساده=واليوم شوفوا وش فعل في طروقي
هذا دليل ما يحاوج شهادة=الروح والأفكار عيت تروقي
ياليتني ما كنت ساكن بلاده=كانت تهون المشكلة بالفروقي
اللي يقوله أمس اليوم عاده=كنه يسوق الروح للموت سوقي
والله يفعل ما يشاء في عباده=ماتضيع عند الله كل الحقوقي