كثيرا ما نخدع بمن نود فيكون سببا في متاعبنا
هذه الفكرة
كانت سبب في هذه الأبيات
أرجو تنال شيئا من القبول وتكون معبرة الى حد ما
ماهي غريبة طعنة اللي معاديه=اللي غريبة طعنة اللي توده
هذاك مبدي لك من أول تحديه=لكن هذا كيف بالله ترده
الصاحب اللي دون غيره مبديه=يعرف بسدك وأنت تعرف بسده
إن جيت تصبر عل مولاه يهديه=تخاف صبرك يوم ياصل لحده
وأكبر مصيبة لستمر في تماديه=ويشوف نفسه محد بالناس قده
خله يروح ولا تعود تناديه=إرجم وراه بسبع لا بعث جده
إفرح بساعة عنك والله توديه=حبل المواصل بينكم عجل جده
عرفت محصوله وعارف مباديه=اليا دخل في عامر البيت هده
مثل السقم لا قِرب من حي يعديه=وليا قضا من واحدِ(ن)شاف بعده
كم واحد(ن)غيرك من الناس يرديه=يركض مع الشيطان من ضمن جنده
إحذر تقرب له ولو كنت كاديه=والا تجي في يوم يدك بيده
حتى ولو شفت الزمن يوم حاديه=هذاك من فعله ومنتوج كده
لابد ترجع يوم فوقه عواديه=ما يفعله من شين فوقه مرده
سهم الخداع اللي برا في نواديه=لابد يأتي يوم ويعود ضده