أحس رمش العين يازين رفا=مدري كذوب الرمش والا صدوقي
فرح لها قلبي وحيا برجفا=لعلها بشرى تداوي فتوقي
جبت القلم بكتب للأعماق وصفا=هي ظلمة(ن)بالجوف والا شروقي
تعب القلم والحبر يازين جفا=جفت عروقه حين جفت عروقي
كل مانويت أكتب من الشعر حرفا=شابت طروقه يوم شافت طروقي
كنه جفاني يوم حسك تجفا=والا حصل له ماحصل في خفوقي
سوى سواتك يموم عني تخفا=وأنا الذي صوبك تلامع بروقي
كل ماتقرب منه ولى وقفا=أخذ حقوقه بعد ضيع حقوقي
أحس في جوفي بحرقة ولهفا=عليك ياللي بالنواظر تموقي
كن الفؤاد بجمر نار(ن)يدفا=حتى غدا من صليهن محروقي
ينزف عليك القلب مايوم كفا=حب وغرام وشوق ياكل ذوقي
وأنا أشهدنه لو في يوم وفا=من صدمة الهجران يرفض يفوقي
هذا غرامي جاك صافي مصفا=يروي عذوقك من بقايا عذوقي
زان الك حالي كان ودك تشفا=أخذ الهنا خل المواجع تروقي
قبل تندم يوم وتقول حسفا=فرصة عمر من خافق(ن)ما يبوقي
ترى الهوى لاعاد في يوم طفا=ما عاد يرجع مثل ما كان فوقي
الحب مثل الروح لامن توفا=يدفن بقلب(ن)كان فوقه شفوقي