وقتنا الممحوق بانت به علامات القيامه=يا الله إنك تستر الأحوال عن خيقي وبيقي
وقتنا زيًن لخبلان العرب طبع الرخامه=ابن عمه ما يطيقه والغريب أفضل صديقي
وده ايشيخ العرب ويصير محمود الزعامه=والزعامة ما تواطن صدر من مزحة يضيقي
يا قليل المعرفة ليتك تفصل لك لثامه=ذي حقيقة كان تقدر تفهم العلم الحقيقي
الرفيق السنع ساعة حاجته يرم العمامه=ياقف بجهده ومجهوده لو إنه ما يطيقي
الرفيق اللي يبا الرفقة لضحكة وابسامه=ذا رفيق المسنحة والفشخرة ما هو رفيقي
الرفيق اللي يشرف في لزوم وفي كرامه=أن.تقدم وإن تزعم لا يعاق ولا يعيقي
الرفيق اللي ليا احتجته مثل ريش النعامه=لا يخاويني بدرب ولا يوقف في طريقي
إن سلك درب المفارق قلت له درب السلامه=ما عليه حسوف لو إنه ولد عمي شقيقي
الملامة فوق من هو يعرف دروب الملامه=وإن نصيته في مهمة قال لك نشفت ريقي
وقتنا الممحوق بانت به علامات القيامه=يا الله إنك تستر الأحوال عن خيقي وبيقي