يا الساحل الشرقي سقتك المراويح=غر السحاب اللي تلامع بروقه
يا طيبها من دار راحة وتسبيح=يرتاح فيها من يعاني حروقه
ديرة هل الترحيب هبابة الريح=دون الكرم ما فيه حالٍ(ن)يعوقه
جئنا ورحنا والخواطر مساميح=ما عكر لجو الزيارة زهـوقه
عسى خلفنا خير ممسى وتصبيح=ونرجع لكم والقلب ما نسي شوقه
الصاحب اللي فاق كل المماليح=ما فيه من نافس غلاتي بذوقه
أرق من نسناس لا عانق الشيح=وأخذ شذاه ومرره لمعشوقه
عطرية الأنفاس جورية الريح=قلبي وعقلي سيطر الولف فوقه
العقل يقرأ فيه واقع وتلميح=والقلب حبه دم غاذي عروقه
خالج كيان الروح من دون تنقيح=عذب السجايا فيه كامل شروقه
كن الجبين البدر والرمش ذبيح=من صابته عينه يضيع حقوقه
كتبت فيه الشعر رمزي وتوضيح=وأحلى اللقصيد اللي يحلي طروقه
ميزان حبه ما يحاوج لترجيح=راجح بكلي والمشاعر تذوقه
لا من ذكرته كل الإحساس بيفيح=الروح دايم فوق وصله شفوقه
لكن ظروف الوقت تمنعه وأبيح=البعد محكم فوق الأوضاع طوقه
يا الساحل الشرقي سقتك المراويح=غر السحاب اللي تلامع بروقه