ياشريف الليل بالقاهرة ماهو بليل=لو تجيني نحيي الليل لا وقت الصباح
جوها مزيون والنيل يشفي للعليل=يشفي لقلبٍ(ن)يعاني بوقته من جراح
وإن بغيت الكيف تلقى معي بنٍ(ن)وهيل=والفعول اللي تعقب على الصدر إنشراح
ما نبهر كيفنا يا شريف بزنجبيل=العوايد ما تخلا ولا عنها مـراح
من قديم الوقت حنا هل سيوفٍ(ن)وخيل=وأنت يا بندر تعرف المحرم والمباح
لا توخر ماني بخابرك رجلٍ(ن)ذليل=جهز لطعن الهنادي وطعنات الرماح
يا رفيق الدرب يا راعي المد الجزيل=الجبل يصمد بوجه العواصف والرياح
راعي المد الجزل ما يقنعه القليل=واليدين الحاتمية عدوة للشحاح
بالداية والنهاية وصاتي للأصيل=لا تضيع ما درسته بقانون الصحاح
ياشريف الليل بالقاهرة ماهو بليل=لو تجيني نحيي الليل لا وقت الصباح