العرضة التي قيلت في احتفال الامانة العامة بحضور صاحب السمو الملكي امير الرياض
ياسحـابٍ سمعنـا زمجـرة رعـده....منـه الغيث حول صـيـب سـرايـه
فوق قاع الرياض اللي على خـده....سال حـوز الشعيب وخلـد روايـة
وان حكت نجدلأبن المجدعن جَده....للشواهـد كُتـب والـنـاس قـرايـه
وقلت يسلم حفيـد العـود مـن قـده....هو أمير الرياض اللي سمى رايه
خالـد الـلـي تـعـزه النـاس وتـوده....حيّرالطيب ورضا الناس له غايـه
ودام لأهل الخليج قلـوب متوحـدة....الهدف والطموح اصبح بلانهاية
وتحت راية هـل التوحيـد للوحـدة....تجتمع كلمـة اهـل الـراي بالغايـة
وربع قرنٍ وسبـع اعـوام منعـده....حن تحت شوراهل الشور بدراية
والدول ست وصرنا ديرةٍ وحـده....ورأينا راي من يحكم بلا وصاية
من كويت المحبة لي قبـل صعـده....لأخرعمـان حـد البـحـر في مـايـة
لي لأمارات ديرة من سمى عهده....لي قطر دوحة اهل الخير مشايـه
كـلـهـا تـسـنـد البحريـن بـمـوده....مملـكـة مــن يدير الحكم بعـنـايـه
وفي خليج العرب بـه جنـد معتـده....جات تحمـل كفنها وتحمـل الرايـة
ومن خليج ٍ تزهل للحمى وحده....صاردرع الجزيـرة درع وحمايـة
وطالب العـون منـا يبشـر بسعـده....حـن حوالـيـه حـرابـه و رمـايـة
ويـا هـل العـز والتوحيـد للوحـدة....ارزفوا في الرياض برايـة الغايـة