أسعدكم الله بكل زمان ومكان
الأبيات بدون مقدمات
علها تروق لكم
يا نبض روحي والشعر والمشاعر=تغلغلت بأعماق روحي محبتك
قدام أعرفك كنت ماني بشاعر=واليوم أقول الشعر حتى بغيبتك
أكتب قصيدي فيك حاضر بحاضر=سحائب الأحلام بالقلب صبتك
تصدح لحبك بالقصيد الحناجر=يا علني أفداك وأفدى عروبتك
هواك صار السحر والحسن ساحر=غير المزايا الثانية فوق طيبتك
أدب وعلم وذوق وإحساس نادر =بين الصبايا جوهرة فى عذوبتك
يا نادرة بين النساء بالمخابر=أهواك من طلعتك لا حد شيبتك
يابحر عشقي دايم القلب فاكر=كل الجواهر والآلي بغبتك
لقيت فيك الحلم ياروح جابر=صرتي وطن للمغترب رَغم غربتك
في كل ليل الحلم يمك يسافر=وأشم عطرك كل ما أنسام هبتك
يا بلسم لجرح الفؤاد المكابر=اللي زرعه الحظ في وسط تربتك
منزلك وسط القلب بالشوق عامر=مشاعري عن عين حاسدك خبتك
على الفؤاد أحكم تدلل وأمر=دامه غدا لك بالهوى طوع لعبتك
سو الذي يرضيك من طيب خاطر=كلي فداك وفدوة لناس ربتك
يا علني ما أعدمك والقلب شاكر=أجمل ليال العمر دايم بصحبتك
بقضي بقايا العمر لأجلك مثابر=وإلا على قول المثل شيخ قبتك
يا نبض روحي والشعر والمشاعر=تغلغلت بأعماق روحي محبتك