أسعدكم الله
ويستمر التواصل بدون فاصل
بدون مقدمات اليكم الأبيات
تعبت وأتعبت المشاعر والأقلام=واللي تعبني دالهٍ(ن)في حياته
ما يدري إن الهجر يقتل للأحلام=يقتل لقلب العشق قبل مماته
إلي على ذا الحال مجموعة أيام=ما ذقت طعم النوم شنهي حلاته
أحرمت عيني لذة النوم ما أنام=أحلم بشوف اللي ذبحني غلاته
يا مشغله للقلب بوعود وهيام=أحرمتي لراسي مخدة مباته
أشقيت روحي في مجاراة الأوهام=وأتعبت قلبي لين ضج بشكاته
قلبي عن اللذات يا فاتنة صام=وشلون ترضين لمحبك شقاته
بين الرجا والياس والزين والسام=تبين فقره ما تبين لغناته
لو التعب يا فاتنة مشي الأقدام=هان الشقا لو كان فيها وفاته
لكن بلاي جروح في قلبي الخام=ينزف من وعود الهوى في سكاته
آهات صدري كنها صوت الألغام=من واقدٍ(ن)بالجوف زادت لظاته
إثر الهوي يشغل عن أركان الإسلام=منهو بلي به يشغله عن صلاته
تعبت وأتعبت المشاعر والأقلام=واللي تعبني دالهٍ(ن)في حياته