ياسعيدالعبدغبت وغيبتك ماهي طويله=احسب انك رحت لندن واثرك بنجدالعذيه
جرتك حصلتها والدم يعرف بالفصيله=انت وش وصلك من صلبوخ لاطراف الحويه
سعيد العبد
ياحليـل اللـي ينكـت ياعتيبـه يـا حليلـه=يطرد الرجال فالمشعاب ويوهـق خويـه
مالله امكلفك تتبع جرتـي فـي كـل ليلـه=انت بعد البشت مالي في ديركم قابليه
عثمان الثبيتي
انت دايم ماتغض الشوف عن برق المخيله=تعب عساسك ورا البراق واتعبت المطيه
كيف مدري عنك وانته صاحبي واعرف حصيله=نوب اقول الرجل عاقل نوب اقول الرجل عيه
سعيدالعبد
الـبـنـادم مـاخـلـق لـلـنـوم يــــاراع الكـحـيـلـه=والتعـب مقـدور والدنيـا تبـا روحــه وجـيـه
كل واحد لا خذاله بشت من شيخ القبيله=قــام يضـحـك فالسنـيـن المقبـلـه والاولـيــه

عثمان الثبيتي

مابغيت سعيدمع درب الشفا يومي شليله=ماهومحصل شراب وزاد في دارً خليه
منته بمثلي من اصحاب المعالي والفضيله=انت عبدً تجزي الحسنه ليا جاتك بسيه
سعيدالعبد
الـكـلام الـلـي تقـولـه قــوم حـضّـر لـــي دلـيـلـه=لاتـحـذف العـبـد ياعثـمـان وتـخـسـر القـضـيـه
كبروك اهل المناصب وارحموك امن الفشيله=مـابـقــا الا يـكـتـبـونـك فـالــحــروف الابـجــديــه
عثمان الثبيتي
روحت دنياك ياماخوذ مافيها عقيله=شاب راسك وانت ماعند كثيرولابليه
ابك انا ماني بشاعر نت انا شاعر قبيله=وقفتي يشهدبهافي شعروالافي حميه
سعيدالعبد
الـظـلايـم والتـهـايـم يالثـبـيـتـي ويــــش هـيـلــه=مايـصـدق كلمـتـك يـاكـود مــن صــدق طـمـيـه
فالـسـوالـف مانـحـصـل داخـــل الـديــره مثـيـلـه=جا يضحي في فالصتيمه مار خلاه الضحيه
عثمان الثبيتي
قهوجياُ خرب الدله بكثرة زنجبيله=ماصدق من قال هذا العبد راعي شاذليه
يضحك وكبده تقطع من صلو جمر المليله=من يدي رسمت في علاباه حول الفين كيه
سعيدالعبد
القهوجي يدري ان الهيل غالي ويعنيله=كافـي المسمـار ياعثـمـان والـذمـه بـريـه
شوف ثوبك راح منك مابقا غير الفنيله=واحـدن توخـذ ثيابـه /لايسـوي لـي بلـيـه
[/poem]