حظي اللي رماني في طريق المنايا=لين طبيت فيها ما عليها علامه
ياسعيد المنايا ما تعرف الدرايا=رحت فيها بعد ما شفت راع اللثامه
صورتي شفتها بالخد مثل المرايا=مكتسي بالحسن كله بلونٍ(ن)وقامه
صابني بالسهوم اللي رماها هدايا=من عيونه بعدها ما عرفت السلامه
والله إني قبل شوفة عنود الصبايا=ما شكيت الخلاف ولا عرفت الندامه
والعشية غدابي زين كل الحلايا=مزنةٍ(ن)لونها مثل القطن في عدامه
يازمان الرزايا ليش سقت الرزايا=الله اكبر هنوف ترخي اليوم هامه
طحت والشيخ لا من طاح بلوى البلايا=لا سلم من مطيح ولا سلم من ملامه
لو بغيت اتداوى محد يعرف دوايا=الوجع واصلٍ(ن)حده بشيخ الشهامه
إن نخيت العرب خايف تبيح هوايا=وإن صبرت الصبر جزاه يوم القيامه
لو تجي بالحمايا قلت هيا حمايا=وينكم ياعزاتي يا رجال القرامة
ولو تجي بالسرايا سقت يمه سرايا=لين أجيب العنود اللي تزبن تهامه
حظي اللي رماني في طريق المنايا=لين طبيت فيها ما عليها علامه