السلام عليكم ورحمة الله وبركاته
أضع بين أيديكم هذه المحاولة المتواضعة
التي أرجو أن تنال الرضا
حبي تعدَّابك سِما كلّ تفكير
عانق خيال الفكر والشعربك زان
ياجْمل وصوف الحسن واحلاالتعابير
واصدقْ شعورٍ داخلي يالغلا كان
لاهبّ نسناس الهوى بالتباشير
يحمل معه ريح الخزامى والاشْجان
اتْذكرك واسجْ بالفكروآطير
وآمدّلِكْ بالشوق قلبٍ وجنحان
وآحوم حولك شوقْ واحساس لك غير
من دون خلق الله لك القلب برهان
الليل ليلك يالعيون المساهير
وشْ حدَّها والصبح قرَّب ولابان
تسهرمعي وتشيل حمل العاذير
بين الهدب والجفن دمعٍ وكتمان
لاجل الغضي سِيد كل الغنادير
اللي وصوفه غير عن كلّ إنسان
ذاك القمر ولاَّ القمر منَّهْ يغير
لامن بدا كنّ القمر مِنْه زعلان
يكفي إلا من شفتْ سود النواظير
همي انْجلا لوكان في قلبي احزان
لهْ كل مافيني عطا دون تبْرير
لانِّي بدونه ميِّتٍ دون الاكفان
هذي المحبة ياحبيبي مقادير
ليت الليالي وصل من دون حرمان
وليت الذي بالقلب هو دايم يصير
كان آخذك مابين قلبي والاحضان
واشره على نفسي ولامنك تقصير
انا اللذي اشتاق وانا دوم غلطان
تبطي على قلبي وانا قول لك خير
القلب قلبك لاتبسمت له لان
هذي المشاعر سقتها لك طوابير
شوق ووله واحساس من قلبْ ولهان