جديدنا عله يروق لكم
يحلمون البشر بالنوم وأنا فيك بحلم دوم=أحسك مثل قلبٍ زارعه مولاي في صدري
مناي أشوفك الحظة وأشوفك كل ليل ويوم=فعايل حبك بروحي كبيرة كان ما تدري
هوانا غير وأنتي غير بالواقع وبعد حلوم=هواك اللي أحسه بالحشا يا دنيتي فطري
أحبك وأعشقك وأهواك ياسيد العرب والروم=يانبض القلب يعجز يوصفك شعري على نثري
تعابير الغلا والشوق يا كل المنى معدوم=مكانك ما بلغه الحرف ذا خبرك على خبري
غديت من الهوى والشوق كني موجعٍ مسموم=أداري علتي والوذ من لوعي على صبري
حبيبي تشتكي وأنا أشتكي من حبنا المقسوم=أحس البعد عنك أشد من دعسٍ على جمري
عسى حبك بروحي يابعد روحي بعز يدوم=ويبقى بالصحائف لين نبعث ساعة الحشري
أنا لو كان في يدي أقدم للغلا المعدوم=قسم بالله لأجيب لك ما يطري ولا يطري