مساكم / صبحكم الله بالخير والمسرات
أبيات كيبوردية علها تكون مفهومة للبعض منكم
شاب راسي بعد ماشاب القصيد=والمشاعر من همومي شايبه
ما بقا في بنك قافيتي رصيد=المعاني عن قصيدي غايبه
وإن عسفت القاف في شيءٍ(ن)تليد=تطلع الأفكار فيها خايبه
مل قافي كثر ما ردد وأعيد=في هجوسٍ(ن)بالضماير لاهبه
لين ظني أحرقت دم الوريد=والجروح وساع ماهي طايبه
كيف يبرا جرح من طعنٍ جديد=دام روحي في هواها ذايبه
كل يوم ولهفها فيني يزيد=لو يتوب الشعر ماهي تايبه
من غرام اللي لها عشقي فريد=مالها بالروح مني نايبه
لو بعدت بخطوتي ماني بعيد=عايش مع طيفها ومصاحبه
والله إني عن مرادي مابحيد=بتحمل للخطا والصايبه
اتظاهر بالسعادة مو سعيد=الدلايل بالوجيه الشاحبه
برمي جروحي على حظ عنيد=دام ماني قادرٍ(ن)بمحاسبه
والله المعبود فاعل ما يريد=ما يريده لا محاله جايبه
بتسلى بالقوافي والنشيد=لو صارت من همومي شايبه