سلام الله بقافــٍ فيه للشعّار بدع وردّ=وجعل الله يعين اللّي يبي الليلة يقابلنّي
كلامـً مايشوش الرأس اله ياعنك ماينعدّ=ورجلاً مايعدّ الحق لافيّه ولامنّي

هلا بك والك مثله مير يفرق فيه شد ومد= مادامك جيتنا حياك يابن الناس متعني
نبا نعطيك لين يشوش راسك ويتعدا الحد= لكن انته من ايات العرب ياالصاحي الجني

أنا أحسّبك رجال أجودي ..حتى طمرت السدّ=بعد ضيّعت فنّك..وش تبى يالمطرب الفنّي؟
تبى لك خد ماله رأس ..وألاّ راس ماله خدّ=تخيّر فالثنين وغنّ.. تلقى واحد يغنّي

الا يالشاعر اللي مايميز هزلها والجد= انا رجال واسحق للرجال الهيل والبني
بضاعتكم وكلها بالهنا واحذر يبيح السد= انا رجال اعامل بالمثل منهو يعاملني

ترى الشّكات يارجال ماتدخل عريب الجدّ=ياراع الصدق تكفى لا يجيك الشك والظنّي
طردنا الشيعي اللّي يحسب انّه كان ماله ندّ=لكن أنته نشوفك تعزم الشيعي مع السنّي

انا ماني بجاهل فيك يابو زيد مير اركد= ومن جاه المغص قلنا مكثر من هذاك الني
بعد مااكلت زاده تنقلب فوقه كما الاسود= لكن افطن وعاتب ولد عمك لا تعاتبني

يجيك المد وأفي وأنت بيمينك نقصت المدّ=ليا جاك الخبر ياصاحبي رد الخبر عنّي
لقيت الثعلب المكار شارد فالخلا ويلدّ=لو اله سنون ذئب امداه يأكلكم وياكلنّي

انا ما اقول فيك قصور ياباني حصون المجد= طبوعك طيبه لولا كثير الحن والمني
خطير انه يوسوس ثم يترك هاالبلد ويشد= لكنه في حماي اليوم دامه جاي زابني

ليا منّه توفر طوب شد الحيل وابن وهدّ=وشكر الطوب فوق اللّي مغير يشيل ويدنّي
أنا كم قلت لك لابدّ من ساعة تجي لا بدّ=تعيّفك بجميع اللي مضى من ضحكة السنّي

لو اني جبت كل الطوب في هذا العمل ماسد= لكن الحيه ام جريس دن جريسها دني
ان الله راد لاوريك شغلك في صبا ح الغد= لا اوريك الملاسن لين تحلف ماتلاسني