اشوف لي شاعر يمر وقلت وشبه ما بدع= وانا اعرف انه شاعر(ن) ممتاز في جر اللحون
مدري تكبر او حصل له موقف(ن) منه اردع= او ان طقم السن ضاع وراح يبحث عن سنون

الشاعر اللي مركم لو كان في مثلك وقع=لو كان وقع فيك مدري كيف بتروح العيون
يمكن يا راع الصدق من شوفك تذير وإنفجع=والا أجم الراس ما يقدر مناطحة القرون

مادام جيت وجابك الله في يديه ياقدع= اصبر على حر السموم اللي لهافالكون كون
خل الاجم يروح عنا والحروب الهاخدع= حنا بلشنا ياابن عمي في مقرقعة الشنون

قود السنع لن كان تعرف يازميلي للسنع=وإنطح براسك ضلع كبكب كان في راسك جنون
وإحسب حسابك لا توهقك الجهالة والطمع=سحاب مقفي لا تخيله لو تزامن المزون

انته كما اللي ياكل بثنتين لكن ماشبع= دايم تعرض سفرة الاجواد يامال الطعون
انا ماخيل البارق اللي من ورى داري لمع= لكن انا اوريك واخلي الشوامت يفرحون

الله يشفي كل منهو يشتكي كربة وجع=أشبع بيمناي الكريمة والشحم جوف الصحون
العاصف اللي مرتا دامه تعدا وإنقلع=مالي حسائف فوق ناس عن طريقي ذاهبون