مثل السحابـه يوم تقـبل من ابـعـيـد
واللا مـثـل نجـمـة سهـيـل اليـماني
نوره على خـطـوة تـريًث مـواعــيـد
واللا تحـرًي عـيد شهـر ارمـضاني
فـرحـه ولاتـمًـت وحـظـواتي أتـزيـد
وبـيـن الرجـا والـياس شدً العـناني
وانا رجـاوي و الـرجـاوي تـغـاريـد
والـيـاس كـبـوه ما تـلـيـق بـمـكاني
لوكان وقـتي وقـت حـمـل البـواريد
كان انـتخـيـت ابـعـزوتي والعـواني
لكن راع العشق في ساحـة الـغـيـد
مـثـل البـعـيـر الـلي يـجـرً السواني
على عــزوفـه صادرات و مـواريـد
حـالـه حـثـيـث ومن ظـروفه يـعـاني
لوالمـشـاهي والهــقـاوي بـهـا فـيـد
ما قـيـل للـعـاشـق اسـيـر الجــنـاني
ولا كان في سلم الـمـوالف مـقـاريد
يـرغـب بـحـال وحـالـة الولـف ثـاني
مثل الرضيع اللي على رضعـة الديد
مـلهـوف لهـفـه تـستـبـيـح الحـنـاني
لين الفـطـام ايحـيـن وايصيراله قـيد
ولا عــاد فــالاوضـاع كـاني ومـاني
لـكـن ديـد العـشـق روح ن لها سـيد
دايم على ومـض الشفـاه اشهـواني
صـدقه وكذبه سالفة عمـرو مع زيد
صارت مثل والصدق صدق الزماني
ياللي على ضوح العـيـون المجاريد
الـعــشـق كــنًــه دمــك الارجــواني
والعـشق نبض احاس يحـتـاج تأكيد
على عـروش القـلـب يـبـني مـبـأني
فالـمـعــنـويـه قـصـر يـزداد تـشـيـيـد
وفي عالم الاحساس صعب المواني
أنـكـان مـا للـعــقــل فـالمسـألـه أيـد
والـلا حــيــاة الـعـشـق أم الهــواني
التميز
الإهداءات
العشق2
