الله يحفظ تميم !!!

الحمد لله الذي أنعم علينا بنعمه ظاهرة وباطنة

بمناسبة حفيدي ... تمـيـم حفظه الله وجعله قرة عين لي ولوالديه

الحمد لله ربٍ(ن)بالعطايا كريم=يعطي بلا من من فضله بليا حساب
الله وهبنا تميم الله يحفظ تميم=يجعله صالح وحافظ للتقى والكتاب
أخو لعبد العزيز بن العزيز الحشيم=يالله تهني عيالي بالرضا والشباب
تصير لأخوك كنك مثل خي الكليم=موسى وهارون قدوة يارفيع الجناب
يا مرحبا يا تميم اهلا هلا يا فهيم=قدامك المجد كله يا حفيد المهاب
جيتك نعمة كبيرة من عظيمٍ(ن)رحيم=الواحد اللي بجوده لن عطا ما يهاب
إختار من بين خلقه للرسالة يتيم=وأنطق لعيسى وهو طفلٍ(ن)بقول الصواب
قادر بجوده تظلي ياتميم الزعيم=بيداك ربط الرقاب ومنك فك الرقاب
تمشي على منهج الجدان نهجٍ(ن)قويم=اللي لهم تتعب العربان سوق الركاب
تاقف مع الحق ما ترضي لراي العديم=اللي يدور لشقر الصف بين الحباب
ما تنشغل بالردايا بالزمان البهيم=اللي يسوق المفاسد ما لها من عقاب
ولا تنشغل عن رضا ربك بفتنة حريم=اللي وصفهن رسول الله بجلب الخراب
يابوك خلك سليم وبالطريق السليم=لا تلتفت للذنوب ولا تطارد سراب
القلب يابوك يصبح بالمعاصي سقيم=لو كان زان الطعام وزان لبس وشراب
العز فيدة زعيم ولا يجيبه غشيم=والذل مكسب ردي ما يحتزم بالحراب
الحمد لله ربٍ(ن)بالعطايا كريم=يعطي بلا من من فضله بليا حساب

صح لسانك والله يحفظ لكم ما رزقكم

تقبل التحية

الف الف مبروك يتربى في عزكم


تقبل التحاياااا والاحترام

صح لسانك ولا هنت وافية من وافي


احترامي

صح لسانك وكل كيانك بارك الله فيكم ولكم

الله يحفظ ما رزقكم

صح لساااااانك

صح لسانك وسلم بنانك

احسنت لله درك

صح لسانك ولا هان راسك وال مليون مبروك

صح لسااااااااااااااااااانك ربي يحفظ لكم ما رزقكم

صح لسانك واعتلا شأنك بارك الله لكم


تقبل التحية