طابت أوقاتكم
صاحبي بالسعودية وأنا في مصر=لاح لي طيفه المعهود للعين لاح
ما نسيتك عديل الروح حل وسفر=أذكر بالمساء وأذكرك بالصباح
ليلنا طال ما بيًن لصبحه فجر=والمشاعر تون من الهوى والكفاح
في خفوقي غرامك من سنين إستقر=يا فريد المحاسن يازعيم الملاح
حبك اللي تخبره بالزمان استمر=مشغل البال لا مريت بالبال صاح
يارفيق المشاعر يا شبيه القمر=لا تضيع هوانا في مهب الرياح
هات كلك لكلي والمحبة عبر=نقهر الوقت ونخيب كفوفٍ(ن)شحاح
خلنا نروي عروقٍ(ن)سقمها الدهر=بالكلام المباح وبالفعال المباح
لا تموت النفوس من الهوى والقهر=كان ماتت صعيب انرد ما كان راح
بعد قدمت لك قلبي وروحي مهر=لا تكون النهاية يا غرامي نواح
هات لي منك ما يقهر نفوس البشر=وأخذ من مرادك يا غلا بإرتياح
صاحبي بالسعودية وأنا في مصر=لاح لي طيفه المعهود للشعر لاح
التميز
الإهداءات
زعيم الملاح !!!
رد: زعيم الملاح !!!
