تخرجنا رمينا ملزمات و مرجع و كراس..!!

السلام عليكم ورحمة الله وبركاته ..

بمناسبة تخرجي حبيت اطرح لكم ابيات
للشاعرة منال العبد الرحمن..

كان ودي اكتب لهذي المناسبه بس خانتني الحروف ...

انا عكس العالم وقت الفرحه مااعرف أعبر لو كلمتين..

اترككم مع الابيات:

تخرجنا رمينا ملزمات و مرجع و كراس
عسى الله يرحم أيام الشقا و يفض ولواله
بحوث تكدر نفوس و تقارير و وجع هالرأس
شقينا .. يآآه يا هم (ن) ركبنا و مدد حباله
ملازم ماكل(ن) فيها غبار العمر و الهوجاس
يروح بفك طلسمها عريض الوقت و أطواله
و شئ (ن) ينطلب منّا حشى لو هو بريق ألماس
جهات(ن) كلها تقفل بوجه الطالب آماله
و حنا بين مضركم و مضرب واقع (ن) منحاس
نراضيكم و نــــــــطلبهم و حالتنا بكم حاله
و زاد الطين بلتها توالي همّنا إفلاس
ثمن ميّه تفارق جيبنا و تصفي رياله
و شمس (ن) تنطبخ منها لحوم و بنها محماس
شوتنا بس خلتنا برونزاج (ن) و خياله
و كل ما صابنا هم (ن) و كدر قلبنا وسواس
تعوذنا من إبليس و من أعمامه و أخواله
و صابرنا و واصلنا بكل دقه نشدّ الباس
نقوي عزمنا بالله و بالشدات نلجا له
سنين (ن) كم تمنينا نكون بها فخر للناس
نكون آمال بارقها يسير الكون بظلاله
نكون لمملكتنا جند و لطهر الحمى حراس
نكون لكل من عادى ثرآها سيوف قتاله
و لك يا سيدي بنكون ذخرن ترفع ابنا الراس
أبو متعب بنهديك النجاح و ما وصلنا له
و هانت لجل غايتنا مصاعب تقطع الأنفاس
و مبدانا ( الذي يطمح بشئ( ن) يقبل أهواله )
قبلنا و الزمان يمر مرّة مثقل ن بنعاس
و واصلنا و عانينا و عدينا من أثقاله
لجل نفتح لكل الناس درب (ن) ما غشاه اليأس
و لجل نبلغ أمل حنا طلبناه و سعينا له
تعلمنا تربينا و غذينا الفكر بإحساس
تأمّلنا تجمّلنا و جمال العلم بإكماله
و هان اليوم ما ذقنا و دقت حولنا الأجراس
و صار من الوفا نرجع لأهل الفضل مثقاله
و إذا كان الشكر كلمه فأنا شكري لهم انفاس
أرددها على سمع الحضور تفيض همّاله
لكم منّا شكر ما له حدود و لا يعرف قياس
لكم يا خير من نحمل جزيل الود لأفضاله
و رغم اللي حكينا عن مآسي بأول المجلاس
أنا اشهد بإن شوفتكم تزيل الهم و أمثاله
و لو بوصف محاسنكم يضيق بوصفيَ القرطاس
تضيع علوم أشعاري و لا وفّيت منزاله
و قد قالوا الحكي فضّه و لكنه بكم ألماس
سموحه ما وفيت الوصف و لا جمّلت بأحواله

وسلامتكوووووووووم
عسى بس اعجبتكم مثل مااعجبتني ....

نستقبل التبريكاات على جوال

(*_^)

لاتصدقونن
والله ليكفخن ابوي ..وتروح فرحة التخرج

أرق التحـــــايـــ شوق القصيم ـــــــا

الف الف الف الف مبرووووووووووووووووووووووووك

على التخرج ولازم تعزمينا على حفلة التخرج

الحقيقة فرحنا لكٍ وبتوفيق وعقبال التعين

تقبل تحياااااتي الخااااااااااصه

صقر عتيبة

اجمل التهاني والتبريكات


وعقبال كل من يدرس بالجامعات


الف الف مبروك

اقتباس : المشاركة الأصلية كتبت بواسطة صقـر عتيبـة [ مشاهدة المشاركة ]

الف الف الف الف مبرووووووووووووووووووووووووك على التخرج ولازم تعزمينا على حفلة التخرج الحقيقة فرحنا لكٍ وبتوفيق وعقبال التعين تقبل تحياااااتي الخااااااااااصه صقر عتيبة

الله يبااااااارك فيك ..

ربي ييسرها ويسوون لي حفله كبر السعوديه ^_^

وعقبال احبابك ..

اقتباس : المشاركة الأصلية كتبت بواسطة الرقيب [ مشاهدة المشاركة ]

اجمل التهاني والتبريكات وعقبال كل من يدرس بالجامعات الف الف مبروك

الله يبارك فيك ..

والعقبى للكل ..

اشكر مرورك..

الله يعطيكم العافية


جميل ما نقلتي لنا


لك خالص الشكر

لا والله جملتي حاله الله يجمل حالك صح لساااانك ولا هنتي

اقتباس : المشاركة الأصلية كتبت بواسطة نجم العرب [ مشاهدة المشاركة ]

الله يعطيكم العافية جميل ما نقلتي لنا لك خالص الشكر

آميييييين ..

اهلا بك هنا ..

الف شكر ..

اقتباس : المشاركة الأصلية كتبت بواسطة smart [ مشاهدة المشاركة ]

لا والله جملتي حاله الله يجمل حالك صح لساااانك ولا هنتي

آميييين ..وياك ..

صح بدنك وبدن مؤلفتها ..

اشكر مرورك..

ماشاءالله

ألف ألف مبروك

عقبال الفرحة الكبيرة<< تبي تنطق النوري

فرحت لك والله عاد لاتنسيننا بالحفل

خوذي جوالي 00112233445566778899

والباقي ماتغير