أسعدكم الله أين ما كنتم
بزعل الناس جميعا ولا تزعل مرجانة
حتى لو ودها تزعلني بغيضها وما بزعل منها
واليكم الأبيات علها تروق لكم
الصبر طال وكن بالكبد جمره...=بعد غيابك يا بعد روح مغليك...
وينك تعال صويحبك قل صبره...=وإلا بجيك إن كان ماهو بيمديك ...
مشتاق لك لو كان بالعين نظره...=الشوق هد لحيل عاشق مهاويك...
كل ما ذكرتك هلت العين عبره...=ياعلني من شر في يوم ما أبكيك...
ما عاد أنا مرتاح في جو سهره...=كل المشاعر في خفوقي تناديك...
عقبك حياتي ياهوى الروح خطره...=دقات قلبي في عروقي تحاكيك...
ما عاد باقي بالحشا قد شعره...=إلا تقول:أبيك وأبيك وأبيك...
تشتاق لك لو الزمن حط عثره...=وأبعدك عني يا بعد نبض هاويك...
ينزف فؤادي للهوى طول عمره...=وأبيع كل الناس يازين وأشريك...
حبك ملك روحي ولا عاد نكره...=معروف لإحساسي عسى الله يحميك...
من كل مكروهٍ(ن)وما هو بنكره...=ياعلني ما أعدمك ياعين باغيك...
سيرتك بالوجدان ما عشت عطره...=الله يجزا من على الطيب رابيك...
عل الزمان يجود بالعمر سفره...=أما تجي وإلا على خير بجيك...
وإن كان شأن الحظ ما فيه قدره...=بأخذ قصيدي منك ولعينك أهديك...
الصبر طال وكن بالكبد جمره...=متى نتقابل يا بعد روح مغليك...