أسعدك الله
الأبيات كالعادة بدون مقدمات مهداة لعيونكم
علها تروق لكم
الجادل اللي نادرة بالوصايف=ما مثلها بالذوق والطيب والوصف
عفيفةٍ(ن)من بد كل العفايف=قلبي لها ماعشت للغالية وقف
عشقي لها ما كان نزوة لقايف=وإلا عرض لي بالزمن عابر وصدف
وليفتي ما مثلها بالولايف=جتني تزف أشواقها للهوى زف
هليت ثم رحبت ترحيب كايف=يا مرحبا مليون ياناعس الطرف
إقلط بصدر القلب مجلسك نايف=منزلك قلبي دام لك بالهوى شف
البيض بعدك ما عليهن حسايف=لو كان فيهن ملح خليتهن خلف
فيهن عفيفاتٍ(ن)وفيهن شرايف=لكن جماك دفهن للقهر دف
خليتهن خلفك و لاني بخايف=مليون منهن ما يساون للكف
فديت عودٍ(ن)ساترته اللفايف=وفديت ناب الصدر والعنق والردف
فديت كلك يا حسين الطرايف=كلك على كلك من الحسن منلف
أمر تدلل خذ فؤادي غرايف=دامك عسفته بالغلا ياغلا عسف
أنت النظر للعين برضاك شايف=يا علني ما أعدمك يالناعم الترف
يالجادل اللي نادرة بالوصايف=ما مثلكِ(ي)بالذوق والطيب والوصف