السلام عليكم ورحمة الله وبركاته
هذه قصيدة في المقناص والصيد وطلعة البر
للشاعر حاضر مسلم البدري العرماني
وهذه الأبيات الشعرية :
يالله يامحصــي صغيــرات وكــبــار ..... جعل المطر يسقى عروق الغصوني
اللي شكت عقب الحياة شمس وغبار ..... ولفح الهبوب اللي تجر اللحونـي
فصل الشتاء طرف ولاشفت الامطار ..... وعيني تـرقب ناشيــات المزونـي
شفقن على المقنــاص مع شبة النـار ..... وخوة خيار القـوم لا واعــدونـي
يم المكــان اللي خلت منـه الانـــوار ..... ارض خلا قفرا جفتها الضعونـي
فيها الحطب والصيد لاشفـت الاثــار ..... واحري بحروة خير لاساعدونـي
ياربعي الغــاليـن وافيـــن الاشبـــار ..... فصل الشتاء طرف وانا علمونـي
متى الــوعـــد لاسهّـل الله بالاسفـار ..... اباخذ البنــدق وباخــذ زبــونــي
الصيد لو هو من ورى سبع الابحار ..... اباصــله وكـــل شـــي يهــونـــي
هو منــوة القنــاص سـلاّق صقـــار ..... واللي رقى الضلعان يبغى البدوني
وصح لسان الشاعر حاضر العرماني
