طاب وقتكم
طـالـت سـنين إنـتظاري والـزمن مـيله
لــو مـال فـوق الـجبل زلـزله ثـم هـده
صــبـرت لــيـن الـصـبر زادت غـرابـيله
أيـــام وأعــوام فــوق الـحـال مـمـتده
مـر الـصبر سـم حـالي وأضـعف لحيله
مـا عـاد بي عقب هذا الوضع من شده
يـاسـيدة حـلـمي الـلـي طـال بـي لـيله
كـسـرتـي الـقـلـب بـالـهجران والـصـده
يـاويـل قـلـبي مــن الـهـجران يـاويـله
أوجـــاع نـبـضـه زلازل مـالـهـا صـــده
أعــول عـويـل الـيـتيم الـلـي هـمـاليله
حـــوادر ٍ مـــن عـيـونه مـغـرقة خــده
عـلـيك يـالـلي سـلـب عـقـلي مـظاليله
مـاعـاد لــي شــف فـي قـبله ولا بـعده
مـلك مـشاعر فـؤادي وأصـهلت خـيله
فـــي داخـلـي بـحـر وده جــزه ومــده
يـابـحـر ذاك الــغـرام الــلـي تـفـاصـيله
مـكـنوزة ٍ فــي حـشـا مــا بـيـح بـسده
لــو كـان سـيف الـزمن بـانت مـداهيله
لـكـن ســر الـعـمر مـصـيون عـن حـده
مـهما تـكون الـظروف الـحال يـاحليله
مـاوالله أقطع حبال الوصل من وعده
لــو عــاد بـعد الـبطى زانـت مـواصيله
ويعود طيب الوصل عهدي على عهده
لـــن زان جــو الـوصـال وزان تـفـعيله
تـحقق الـلي الحلم في ودي وفي وده
وتـقصر سـنين إنـتظاري والـزمن ميله
لــو مــال فــوق الـجـبل مـايقدر يـهده
ⒿⒶⒷⒺⓇ