سلام عليكم من أرض الكنانة
والمعذرة لعدم تواجدي لانشغالي
لا اوصيكم بمنتداكم
واليكم هذه الابيات رسالة للوطن واهله
غلاهم من غلاه وغلاه من غلاهم
يالديار اللي لنا فيها حبايب=
من سويدا القلب نرسل لك تحيه=
نرسل الأشواق مع هب الهبايب=
للديار وللمليك وللرعيه=
غبت عنها والفكر ماهو بغايب=
ساكنة في كل نبضة قلب فيه=
مالها بالقلب مهما غبت نايب=
حبها بالروح دام الروح حيه=
ما تغيرها مسافات وغرايب=
الوطن وأهله غلاهم بالسويه=
من سنين المهد لين اليوم شايب=
ما تغير في عروقي يا هنيه=
يجري بدمي ولاني عنه تايب=
كل غالي للغلى يعطى هديه=