أسعدكم الله
الأبيات تعبر عن مضمون غفلتنا بدنيانا عن أخرتنا
مرت سنين وكن مابه شيء في دنياك صار=ماغيرت طبعك سنينٍ(ن)فرقت ما بيننا
ياحيف تحسب ما مضى ساعة ومرت من نهار=ما تدري إن أعمارنا محسوبةٍ(ن)وسنيننا
إلى متى في غفلتك غير العمر ما به عمار=أعمارنا وأرزاقنا ماهي بملك يديننا
إن كنت في قُدم القطار او كنت في تال القطار=لا بد ياقف ثم تنزل لا تناظر حيننا
حياتنا ما كنها إلا منتظر صالة مطار=والموت منفذ للخروج يعزنا ويهيننا
ياطول لحظة بإنتظار وقصر دنيا بإنتظار=في حفرةٍ(ن)تحت الثرا غبينا فطيننا
نُخلق صغار ولو كبرنا بعدها نرجع صغار=فين القرون الماضية ونصير حنا فيننا
لا تغرك الدنيا ترانا كلنا بنفس المسار=الله يثبتنا على التقوى ويحفظ ديننا
كلش يزول إلا الكريم اللي خلق جنة ونار=مهما بلغنا بالغرور وغرنا تمكيننا
لكن قليل اللي تنتبه وأخذ بالدنيا إعتبار=وكثير لاهي بالحياة ومشغله قريننا
والأخرة مستأخرة مابه صغار ولا كبار=الله عليها برحمته وريافته يعيننا