بالله يا راع الرموش المظاليل=
ارفق بروحي لا تزود نشبها=
الكحلة اللي كنها مظلم الليل=
سمت لحالي وأنت والله سببها=
يا ويل قلبي يالعيون المكاحيل=
الموت كنه مسكنه في هدبها=
من شفتها غديت مثل المهابيل=
شبت لنار العشق وانا حطبها=
وأمسيت ما بين الرجا والغرابيل=
مدري متى روحي تحقق طلبها=
ودي بودي فالليال المقابيل=
يبري لجرحٍ(ن)بالحنايا نكبها=
وإن كان شفي زود بهجره الكيل=
الله يعوض بالحلوم وتعبها=
ما باقي إلا ويل يا ويل ياويل=
يا ويل روحي من غرامٍ(ن)غلبها=
ما عاد يجدي ياقصيدي مواويل=
نار الهوى تحرق لمن هو قربها=
نار المحبة في سناها تهاويل=
وأنا رميت الروح دخل لهبها=
لكن يا راع الرموش المظاليل=
ارفق بروحي لا تزود نشبها=