مساؤكم قصيد

يـاصاحبي وشـبك تهاجم للأصحاب
وأنــا الــذي أقــول لــك يــا حـلـيلك
تــقـول لـي:نـصـاب مــانـي بـنـصاب
عـنـدي دلـيـلي وأنــت ويـنـه دلـيلك
الـحظر مـزعج كـان مـاعندك أحباب
لــكـن صـارحـني بـمـن هــو خـلـيلك
تــرى الـصـراحة تـكشف لـكل كـذاب
يـامـن ضـيـاك يـزيـح مـحلوك لـيلك
يـاغـصن بــان غـرو مـاشيخ وشـاب
انـــا مـــن هــمـوم الـلـيالي دخـيـلك
طـيب لـي الـلي قـبل بالعمر ما طاب
فـديـت مـعـسولك وفــدوى شـلـيلك
تـرى الـحياة ظـروف نأخذ بالأسباب
والـبـاقـيات الـصـالـحة لـــو قـلـيـلك
كــل الــذي مـا بـيننا شـعر وإعـجاب
كـيـف الـقـصائد مـثـل بـنـك وهـيلك
تـقـعد لــراس الـلـي لـمـعناك طــلاب
لا مـن حـدر بـالقاف مـعسول سيلك
يـطرب له الهاجوس ويروق أعصاب
لا من شرب عقب العطش سلسبيلك
لـحـن الـقـصيد الـلـي تـغـنيه جـذاب
يـغـري مـشـاعر كــل حــر يـعني لـك
كــن الـعـذوبة فــي مـعانيك تـنساب
يــانـادر ٍ بــالـذوق فــي كــل جـيـلك
رقـيت لـك فـي قـمة الـشعر مـرقاب
عـجـزت جـيـل الـغـد يـلـقى بـديـلك

ⒿⒶⒷⒺⓇ✫