يـا مـنـاقـب رافـقـيـني دام كـنـتي لي قـرين
عـرًفي حـاضر وغـايب وارسلي قبلي نذير
قولي انًي جاي لابس من هدومي قطعـتـين
جـاي وحـدي يم لحـدي مـنـفـرد مافيه غـير
قـلـتها وانا احاكي مـنـقـبـن مفـروض عين
كـنني بـيه امـتعـالي عن كبـير وعن صغير
غـافـلـن في جـوً ثاني واحسبـنً انًي ذهـين
يوم حشد الناس حولي ناطرين اشلول خير
لـيـن جـاني في كـياني باس والفـاني مـدين
بـيًـن الهالات واجـنـون امـتـناني لي تـبـيـن
وابـتـديـت افـهـم حـياتي مثل مايـفهم سجين
واتـريـاني شـئـوني وانـظــر اللي فـالـدفـيـن
كيف كان وكيف صاروكيف انابعـدين اصير
كنـت اهـنًـيهـم فـرح واليوم اعـزًيهم حـزين
هكـذا حـاكـيـت نفسي والخـطـر اصبح خطير
جـمع مالن واهـتمام وحـظوة ابليس اللعين
والله الهادي وصحـوة حـالتي صارت شـوير
بـيًـنـت لي جـوهـرية خافـقي من بـيـن بـيـن
وافـهـمـتـني عن مـحـطًه يـمًـها شد المسير
حـفـرة ن باقياس واحبابي هم اللي حافرين
وقـتهـا مـابه مـنـاقــب تـحـتـرم واللا تـجـيـر
يـاعـسى ربي يـعـافـيـنـا ويـرزقـنـا الـيـقـيـن
يـوم بـعـض الناس هـمًه من انا وانا الأمير