قـــالت: فقدتك وين غيبتـك عني ...... لـك مــدة(ن) عن ناطريَ متخفي
وش غيرك وأنت الذي كنت مني ...... وش فيــــك يا نـار الليـــالي مطفي
وين القصـائد والشـعر والتغني ...... لك مدة(ن)ما عـــاد سطرت حرفي
قلت:أنتي أدرى ليش أنا مستكني ...... والا الشعر من بحر نغرفه غرفي
الشعر عندي يخدمه الـف جني ......كـل واحـــد(ن) اله مجـال يعرفي
قالت:حسـافة ليش خيبت طني ...... أبيــك تكتــب لي قصيـــدة بكفــــي
أبي قصيــــدة كنهـــا تحتضنـي ...... وأبيك تمـزج بين لهفـــــك ولهفـــي
وارسم عليها قـب مغرم بفني ...... وأكتب عليها خاص بجـــوف ظرفي
وسهم غرامك في قليبي مكني ...... وأنا بصيح أرجــوك وقــف لنـزفي
قلت: اعذريني حبك اللي سكني ...... كل الغـــــزل في ظنتـي ما يكفـي
لـو تعرفيـــن بحبكِ ويش يعنـي ...... عينـي عليــــك بكل سـاعة ترفـي
أشعر بقلبي في غيـــابك يحني ...... ولولا وجـودك فيه صـــار متوفـي
حبك بروحي صار يهدم ويبني ...... يهـــدم ظنـون ويبني أحـلام تشـفي
ما غيركِ حـل بفؤادي ورهني ...... هـــذا كـلام الجــــد صـافي مصفي