الشاعر القدير :رباح دبيان البيضاني
أسعد الله أوقاتك بكل خير
الليلة ما لقيت أحد أغازله فحبيت تكون أنت البديل وهكذا هي الدنيا طب وطب بديل
الله يسعد أيامك...الهدف نبي نحرك المنتدى والدعوة مزوح
أمل أن تتقبل ما دونت بصدر رحب وروح رياضية وترى القلوب صحاح يا رباح
رباح وده مير ماهو بقاوي=ماحليته الا كثير الشكاوي
وقع على وجه التراب متساوي=يدير عينه والمنايا تديره
ماهو بقاوي فعل لو كان ناوي=الظاهر انه صار مكدود ثاوي
امسى فقيرٍ(ن)عقب ظلا غناوي=ما عاد فيه من البصائر بصيره
العقل يضمر والعظم حيل خاوي=محتار في طبه طبيبٍ(ن)مداوي
من علته ما عاد هو بمتشاوي=بعض العلل على البنادم خطيره
بين البشر ويعيش كنه خلاوي=الصدر ضيق مثل صدر الشواوي
يومي مع الهبان غصنٍ(ن)هواوي=ما يطلب الله بالستر والستيره
الله يمنا جاه علمٍ(ن)سماوي=حوفه على ما قيل بالدرب غاوي
عاشق دعاوي ما يعرف الدعاوي=رغا شعيل اللي دوخنا هديره
بكويه كية قربوا للمكاوي=ما برحمه لو صار مجنون عاوي
ما للحريبي غير مثلي فداوي=عندي دوا علته واعرف مصيره
ومن لا يحسب بالزمن للبلاوي=ياقع ليا كثرت عليه الهقاوي
ما كل طيرٍ(ن)لو تعلا نداوي=نفخ شريم وعلته في ضميره
تمر الحسا خبير فيه الحساوي=غاليه ما يرخصه تاجر غلاوي
يا أهل المناوي حيلكم والمناوي=ظهر الجمل ما ينكسر من شعيره
الذئب ما تذبحه كثر الحكاوي=والعد ما ينضب ما دامه رهاوي
ولى زمانك يا بخيت العطاوي=أيامنا فوق البشر مستديره
الوقت الأول ما بقا له حراوي=لن كان عقلك للمفاهيم حاوي
صل الفروض ولا تضلي شقاوي=دنياك لو كبرت تراها صغيره
هذا كلامي ما تسمعت راوي=ماني مشاور من صغير النشاوي
أعرف دروبٍ(ن)سالكات وملاوي=السالفة طالت وكانت قصيره
رباح وده مير ماهو بقاوي=ماحليته الا كثير الشكاوي
وقع على وجه التراب متساوي=يدير عينه والمنايا تديره