الغزال الجنوبي ما ترك لي عقل=
جننتني وانا من قبل ماني بخير=
أدعج العين ماحطوا بعينه كحل=
كن جمر الغضا بشفاه يسعر سعير=
في شفاته عسل مدري جميعه عسل=
يخضع لهيبته شاعر و فارس وأمير=
ارسلتي تراود عودي اللي نحل=
يافديت القوام ويافديت العبير=
قلت من وين قالت من بنات النخل=
سكرية تسكر بالدلال المثير=
قلت لا بالله إلا من زهور النحل=
وردة ٍ مالمسها حر من زمهرير=
حسنها ينضربه للعذارى مثل=
كنها كوكب ٍ دري ضوه ينير=
ليتها من نصيبي لو صارت اهل=
كان يا نعم تلك الخاتمة والمصير=
مير منها نصيبي ياقصيدي هبل=
كل حظي من المزيون وجد ٍكثير=
الغزال الجنوبي ما ترك لي عقل=
جننتني وانا من قبل ماني بخير=