محاوره قوية المعاني وجميله بين الشاعرين مطلق بن حميد الثبيتي
والشاعر محمد بن تويم الثبيتي يرحمهم الله عام 1396 هـــ في
السيل الكبير في عرس الشيخ / حمد بن حامد الثبيتي
مطلق:ـــ
هلا مرحبا ترحيبة(ن)ظلها ممدود ***تقسم على الضيفان من راعي الحله
ولا يامزون في طوارفك حس رعود***وانا اخيلهــا بالعيــن والعيــن مبتــله
محمد:ـــ
يدوم البقاء والنار لاتقرب البارود*** عليـك المعانـي دوبهــا جات منشلـه
رعود(ن)ذكرتوهاترا علمهاماكود***والاسرار سلة سيف يا عارف السله
مطلق:ــ
عظام الجمل سلمت وجعل اللحم للدود***وقل للي يسعى على كسرها قله
وانا يا محمد ما تمنيت شقر العود *** ولا كن في عود السعد شفت لي خله
محمد:ـــ
عظام الجمل سلمت وجنب الجمل ملهود***ويا جاحد المظلوم يشهد عليك الله
تعدل معي لاتلحق الشرهه المنقود *** نبا نشرب الفنجال من طبخة الدله
مطلق:ــ
رميت الحجار الصم في عدنا المورود***وغطيت فوق الماء ولاموك خلق الله
وساع الدروب وكل درب(ن)عليه حدود*** ومن زل دربه واحتدا زلته زله
محمد:ــ
بغيتك تسوق البل وتردهن سنود*** لكنك يابو فيصل محدر مع الجله
وانا صحت نص الليل مير العباد رقود*** وعودة اخلي كل حي على دله
مطلق:ــ
تبا تاكل الفطحه وتعطيني العجرود***وانا اللي على راسك مظللك بالظله
لكن البلا والبطل راع العيون السود***يهاوي اللذي يدفن له القرص فالمله
محمد:ــ
انا والد(ن)لك ما يبالي سند وشهود***لكنك بدال البر ناوي لي العله
عسى الله يخارج منك يا حظي المقرود***ثلاثين نحكمها وستين منحله
مطلق:ــ
لو ان الجنازه فجرت قبرها الملحود***نقول اسلمي والراس ندهنه ونثله
شكيل العرب تجزع وتفزع بغير كبود***ورجل(ن)بليا كبد ما تدخله ذله
محمد:ــ
بغيتك تخلي بابها يالبطل مسدود*** وانا ديرتي عن ديرة سباع منتله
وبعد اشتهيت الرقص والزير لك مدقود***نبا من غصون الطلح نخبطك يالبله